استشهاد الإمام الجواد ع
من هاي المنيه ◇◇ بجرحك غاضريه
كل دمعك اشوفه ◇◇ عن ابن الزجيه
◇◇◇◇◇◇◇◇◇◇◇◇◇
ماتت الدنيا بغيابك وانطفه ذاك الضوه
يالجواد بهذا يومك خنكه صارت بالهوه
لاقرب الناس وتسمك ماكو لجروحك دوه
من رحت كلبك تفطر واحس بالنار انجوه
بعمرك تبقه مظلوم ◇◇ واويلي يمسموم
من اربع حروفه ◇◇ حانت هالمنيه
◇◇◇◇◇◇◇◇◇◇◇◇◇
يالجواد بهذا حزنك صوت منك يعتلي
خلو دمعات الرزيه للحسين ابن علي
لحظه لحظه بيك عاشت كربله لو تبتلي
لو اجاك اليل ما ضن حزن روحك ينجلي
بكلبك نستمع اه ◇◇ تصرخ واحسيناه
تتذكر طفوفه ◇◇ بس ونتك خفيه
◇◇◇◇◇◇◇◇◇◇◇◇◇
شمعة مصابك شعلنه وانته همك كربلاء
لا تنصبولي عزيه فقط لحسين العزاء
صح متت بالسم ينادي وجدي باقي بالعراء
ماكو مثل حسين جدي سلبو منه الرداء
راسه باقي مرفوع ◇◇ ما تكفيله الدموع
جرحك ما تروفه ◇◇ بعيونك رزيه
◇◇◇◇◇◇◇◇◇◇◇◇◇
خلصن سنينك مدامع واقترب وكت الرحيل
آخر حجايه تنادي ياحسين ويا كفيل
شكد حزن شايل اشوفك بالالم مالك مثيل
اه واويلي سمعتك تصرخ وجدك قتيل
لا ماتنسه عاشور ◇◇ تبجي ودمعتك نور
جبدك من سيوفه ◇◇ يتكطع سويه
◇◇◇◇◇◇◇◇◇◇◇◇◇
انته اباخر نفس عندك دموعك يرسمن خيم
صوت أطفال ويتامه يركضن وعندك الالم
جبدك ال بسم تكطع ذبح روحك جم سهم
هنا وكف عزريل ينحب شاف الطفوف انرسم
لكافل زينب تنوح ◇◇ راحت منك الروح
كطعوله جفوفه ◇◇ وتنحب عالسبيه
◇◇◇◇◇◇◇◇◇◇◇◇◇
مؤمل هاني القريشي
لمحمد الجواد ◇◇ فاليبتدي الحداد
◇◇◇◇◇◇◇◇◇◇◇◇
الدنيا من يوم العفتها كلهه صارت بس حزن
كلنه حي اعله العشائر واحنه بمصابك نون
عيوني ضلت يم حضرتك عندي ماعمض جفن
شفت من ليلة مصابك بالعزه صاير وطن
من نلبس السواد ◇◇ فاليبتدي الحداد
◇◇◇◇◇◇◇◇◇◇◇◇
اشعل شموع بعزائك وابجي بمصابك دمه
حاضره ليله الزجيه وعيني تنظر فاطمه
حته اذا ميت انادي لازم انصب ماتمه
ما اعوف الخدمه لجلك والمجالس قائمه
يالتطلب المراد ◇◇ فاليبتدي الحداد
◇◇◇◇◇◇◇◇◇◇◇◇
دمعي مفتاحه المجالس ادعي ارزقني الدمع
خاطر بكل مره اصيحن يالجواد وانفجع
من كلب ولسان اصرخ حته صوتي ينسمع
اه واويلي ندائي يبقه عالي بهالوضع
من عندي الاعتقاد ◇◇ فاليبتدي الحداد
◇◇◇◇◇◇◇◇◇◇◇◇
ما اعوفن هالبواجي ومالي غيرك سيدي
رايد بهذا عزائك كون اموت الوحدي
ديرة الاحزان صارت بالكلب من تبتدي
بالخدامه وبالمجالس انته صاير والدي
بالخدمه امتداد ◇◇ فاليبتدي الحداد
◇◇◇◇◇◇◇◇◇◇◇◇
راسي عالي بالخدامه وانته رافع راسي
من انوح ولمن ابجي صاير انته احساسي
النفس مخنكوك كله وانته كل أنفاسي
بيك اشوف هموهي راحت يابعد كل ناسي
يالخدمتك جهاد ◇◇ فاليبتدي الحداد
◇◇◇◇◇◇◇◇◇◇◇◇
مؤمل هاني القريشي