الدين ابتعادٌ عن الحرام لا عن الحياة ... تبرير بعض التصرفات بهذه العبارة

 

"الدين ابتعادٌ عن الحرام لا عن الحياة"

هذي العِبارة شكلت لنا أزمة كبيرة بين الشباب ..

لـ درجة هـ العباره صارت علاقه  نعلق عليها كل تصرف نسوي وعذر نبرر بي كل شي

اليوم اعتراضي مو على العباره اليوم اعتراضي على استعمال العباره موارد استعمال العباره..

هيه العباره صحيحه الدين إبتعادٌ عن الحرام لا الحياة ما اختلفنا بس مو ناخذها حجه لكل موقف ومبرر لكل تصرف ولكل خطأ انت تسوي مو اذا شخص اجه ونصحك تكله لاااااا من يكول هيچ؟ شيخ فلان يكول الدين إبتعادٌ عن الحرام لا عن الحياة سيد فلان يكول هيج

زين وسيد فلان وشيخ فلان من گال هاي العباره وضحلك مقصده صح لولا؟

يعني ماگالها وگلك يلا ابني هاي العباره خليها عذر الك ولتصرفاتك وتبرير الك

 ابد مو هيچ

اليوم من تغلط تحمل النقد وتأكد انو راح يجي شخص ويصحح مسارك ومن يجي هذا الشخص لا تعاند وتكول له والله الدين ابتعاد عن الحرام!

الحياة الها حدود 
والحلال والحرام واضح والدين ماقيدك
واستعمل العباره في موضعها الصحيح الله يرضى عليك ولا تخلط الامور ☺️

بقلم : #بنت_العمامة_الشريفة
#العمامة_الشريفة


0 التعليقات

إرسال تعليق